Monday, August 28, 2017

ඔබේ හැඟිම් වලට වහල් වීමට තප්පරයකට පෙර.....


අප ජීවත් වන  සමාජය හරිම පුදුම සහගතය.. පන්සල් හා බැඳි නොයෙකුත් දාන මාන  ධර්ම දේශනා පින් කම් නිමක් නැතිව කරනා මේ සමාජය ජීවිතය දුකක් බව ඒ දුකින් මිදීමට පින් රැස් කල යුතු බවත් පවින් මිදිය යුතු බවත් නිතර දෙවේලේ පවසයි... ඒ පවසන සමාජයේම ජීවත් වන වැඩිහිටියන් තමන්ගේ හැඟිම් වලට වහල් වී කසාඳ බැඳ නව ජීවයන්  බිහි කරයි. ඉන් පසු ඒ නව ජීවිත ද ඒ මාර්ගයේම දක්කා ගෙන යාමට දිවි පරදුවට තබා වෙහෙසේ.... 

එනම් තම දරුවන් ද කසාඳ බැඳ  මේ ඔවුන් නිතර කියනා දුක් සහිත ජිවිතයට නව ජිවීයෙක් බිහි කරනා තුරු නොනවතින ඒ දැක්කිල්ල ඉන් පසු ද නතර නොවේ...  අඩු පාඩු ඇති දරුවෙක් බිහි උනොත් මේ සමාජය ඒ බිහි වීම කරුමයට දෛවයට  බාර දීමට උපන් හපනුන් ය.. නැති නම් ඒ නව ජිවියාවද මේ තමන් පුන පුනා කියනා දුක් සහිත ලෝකයේ දුක වගා කරමින් නව ජීවයන් බිහි කරමින්  ඉදිරියට යැවීමට  මැරෙන තුරා වෙහෙසේ. නමුත් අරුම පුදුම දෙය නම් ජීවිතය දුකක් බව ඉපදුනු දා පටන් ඉගැන්වීමයි... පන්සල් ගියාට දාන මාන කලාට නිරතුරු ධර්ම දේශනා කලාට ඒ දුක නවතී ද මෙහෙව් සමාජයක... 

මට සිතෙන්නේ මේ ජිවිතය නම් දුක විකිණිම ඉතා  හොඳ මානසික ප්‍රතිකර්මයක් වී ඇති බව මේ සමාජයට... ඒ වටා බොහෝ ව්‍යාපාර  ද (පන්සල් ද ඇතුලු ව )  බිහි වී ඇති අතර "ආදරය" යන වචනය එහි විශාල කාර්යභාර්යක් ඉටු කරමින් මේ සමාජය ගෙන යන මුලාවට ඉමහත් රුකුලක් වී පණ අදිමින් මියෙන්නට  බලා සිටි ජීවිතයේ දුක් නිවෙන මඟක් එන තුරා...

හිතවත/හිතවතිය ඔබ දකිනවා නම් මේ ජිවිතය දුකින් පිරි පවින් මිදී පින් රැස් කල යුතු තැනක් ලෙස ඔබේ හැඟිම් වලට වහල් වීමට තප්පරයකට පෙර සිතන්න තවත් අහිංසක ජිවීයෙකුව මේ දුක් ලොකේට ගේනවද ඔබේ සතුට උදෙසා... .ඔබේ පැවැත්ම උදෙසා.. 




  
ප. ලි. : කුමන හෝ හේතුවක් මත ඔබ මේ වන විටත් දරුවන් බිහි කිරීමට කුමන හෝ අයුරකින් දායක වී ඇති නම්, ඔබේ ජීවිතයේ සතුට, සැහැල්ලුව  විඳිම මඳක් පසෙකින් තබා ඒ දරුවන්ට අවශ්‍ය (ඔබට නොව) මානසික සහ ශාරිරීක සතුට සහ සැහැල්ලුව (අනාගතයේ නොව වර්ථමානයේ)  ලබා දීමට  ඔබේ කාලය වැඩියෙන් යොදවන්න සිතට ගන්න.

Thursday, August 24, 2017

නීතිය තියෙන්නේ .......


1.  කටුකුරුන්ද සණස සභාපතිනියට හා ඇයගේ පස්‌ හැවිරිදි දරුවාට ඇසිඩ් ගැසූ හිටපු සභාපතිනිය රිමාන්ඩ්.


2. නීතිඥවරු විශාල පිරිසක්‌ සැකකාරියට ඇප ලබාදෙන ලෙස අධිකරණය හමුවේ කරුණු ඉදිරිපත් කළහ.

3.  ඇයි ඒ ?

නීතිය තියෙන්නේ නිවැරදිකරු රකින්න ද වැරදිකරු රකින්න ද නැත්නම් මුදල් ගනුදෙනු කරන්න ද  ?








ප. ලි: තමන්ට දෙයක් නොලැබුනාම තමන්ගෙම දරුවටත් ඇසිඩ් ගහන දවස වැඩි ඈතක නොවේ යැයි මට සිතේ...

Wednesday, August 23, 2017

නිමිත්ත : අලුත උපන් දරුවෙකුගේ අම්මා කෙනෙකුගේ සටහනක්.

ළමයෙක් ලැබුනම ළමයට ආදරේ කරන්නේ තමන්ව අම්මෙක් කලාටලු... තමන්ගෙම නවත්තා ගත නොහැකි වූ හැඟිමක ප්‍රතිඵලයක් ලෙස බිහි වෙන දරුවට ආදරය කරන්න ඕන තමන්ව අම්මෙක් කලාට ද ..... 

එතකොට තමන්ව අම්මෙක් (තාත්තෙක්) නොකරන තමන් අවට ඉන්න අනිත් අයගේ දරුවන් ගැන තමන්ගේ හිතේ තියෙන්නේ (තියෙන්න ඕන)  මොන වගේ හැඟිමක් ද ?

නිගමනය : (සාමාන්‍ය) මිනිස්සු ආදරය කරන්නේ තමන්ට කෙනෙක් හරහා ලැබෙන දේවල් වලට.... නැතුව ඒ කෙනාට නෙමේ (ද)  ? 



Tuesday, August 1, 2017

බලන්න ඔබේ නොපෙනෙන අරුම පුදුම "බඳුන" පිරිල ද හිස් ද ?

අද මම කියන්න යන්නේ  ඔබත් සමඟ ඉපදුනු දා සිට ගමන් කරන අරුම පුදුම  බඳුනක් ගැන. මේ බඳුන ඔබට වගේම ඔබ අවට ඉන්න හැමෝටමත් හරිම වැදගත්.. මොනවද දන්නවද මේ බඳුනේ තියෙන්නේ..හිතන්න බලන්න. නිතරම ඔබ ලඟම තියන මේ බඳුනේ තියෙන්න පුලුවන් මොනවද ?

Saturday, June 3, 2017

මිනිස් අතැඟිලි වලින් මැවිය හැකි සොඳුරු ලොව...

මිනිස් අතැඟිලි වලින් මැවිය හැකි සොඳුරු ලොව...

මෙවන් සුන්දර ලොවක් මවන්න  මේ සටහන කියවන 
ඔබේ අතැඟිලි සුදානම් ද ?
 එසේත් නැත්නම් නොකිලිටි අතැඟිලි  රකිමින් අසුන්දර ලොවක සුන්දර සිහින මවන්නෙක් වෙනවද ?

Friday, May 19, 2017

‍යුග යුග මියෙන අපරිමිත ජිවන සුවඳ රැඳි දැනුම....

සොයා පිළිසරණක් නොලැබ මා හව්හරණක්  සොයා  යන මං  නොදැන මේ අඳුරේ යුගෙන් යුගයේ පතා ආවෙමි ඔබේ මුදු වදනක්.. එහෙත් ඔබ අප හැර මෙළොවින් සමුගෙන බොහෝ කල් බව මට පසක් වෙද්දි අතීතය සිහිනයක් පමණයි කියා  සැනසීමට නොහැකි නිසාම මෙසේ ලියා තබන්නට සිතුනි.... 

Thursday, March 30, 2017

දරුවන් වෙනුවෙන් ඔබට රඟපෑ හැකි චරිත පහක්....

අද මම ලියන්න යන්නේ ඔබට ඔබේ දරුවන් සමඟ රඟපාන්න පුලුවන් චරිත පහක් ගැන. මේ ලිපිය "දරුවන්ගේ සන්නිවේදන ක්‍රියාවලියේ පියවර" නමින් ලියූ ලිපිය සමඟ බැඳෙන අතර මේ චරිත 5 ගැන ලියන්න හේතුව තමයි ඔබ ඔබේ දරුවා සමඟ හැසිරෙන විදිහ ඔබෙත් දරුවගෙත් පෞර්ශය තීරණය කරන ප්‍රධාන සාධකයක් වීම.  ඔබත් දරුවත් එකිනෙකා සමඟ අදහස් හුවමාරු කරගන්න ආකාරය මේ චරිත 5 ඇතුලේ රඟදක්වන්න හදාගන්න පුලුවන් නම් දරුවන්ට හරිම ලේසියි ඉගෙන ගන්න ජීවිතය.  ඒ වගේම ඔබටත් විශාල පහසුවක් දැනේවී දරුවන් සමඟ වැඩ කරන්න අනවශ්‍ය විදිහට පීඩනයට පත් නොවි.

Thursday, March 16, 2017

මේ මම ය, අපි ය, ඔවුන් ය කියා වෙනසක් නැහැනේ....



########
මේ කොලමට ආරාධනා ලද මොහොතේ මම මට නීතියක් පනවා ගත්තා..ඒ මේ දිනවල යෙදී සිටින විවිධාකාර ලිවීමේ ඇනවුම් නිසි අයුරින් සංවිධානය  කිරීමයි. ශාස්ත්‍රීය ලියවිලි අතර කොලමක් ලියන්න හුස්මක් අල්ලන්න ඕන. ඒ වැඩ මැද නවකතා, කෙටිකතා ලිවීමේදී කොලම් මිහිර  ඉක්මවූ ආත්මීය සන්තෘෂ්ටියක් ලැබෙනවා. නමුත්  මේ සැරසෙන්නේ අවුරුදු හතලිස් හතරක් පුරා මගේ සිතේ ලැගුම් ගත් විවිධාකාර හැඟුම් මී විතට කැඳවන්නයි. 
ඇතැම් ගැහැනුන් හමුවුණේ පොත්වලින්. ඇතැමුන් ඒ ගැහැනුන්ට පණ දුන් කතුවරියන්. තවත් සමහරුන් පොතකින්වත් හමු නොවන අමුතු චරිත. අනෙක් අතට මගෙ ජීවිතයත් පොත් නිසා, මට පොතපතින් හමු වන ගැහැනුන් හා භෞතික ශරීර කූඩුවලට ගොණු වූ ගැහැනුන් අතර එතරම් වෙනසක් දැනෙන්නෙත් නැහැ.

Tuesday, February 28, 2017

දරුවන්ගේ සන්නිවේදන ක්‍රියාවලියේ පියවර.

පිරිමි (සතෙක්)  සහ ගැහැනු ( සතෙක්)  ලිංගිකව එකතු වීමෙන් පසුව සිදුවන ක්‍රියාවලියේ ප්‍රතිඵලයක් ලෙස ගැහැනියගේ සිරුර තුල හැදි වැඩුනු නියමිත කාලසීමාවකට පසු එතෙක් ඒ ගැබ දැරූ ගැහැනිය විඳි සියලු වේදනා විදහා පෙන්වීමට මෙන් කෑගසා හඬාගෙන මව් කුසින් මෙළොවට බිහි වු ඒ එක්වීමේ අතුරු ප්‍රතිඵල විඳින නව ජීවියා නොහොත් දරුවා තමන් බිහි වීමට මුල් වු යුවළ සමඟ පළමුවෙනුත් ඉන් අනතුරුව තමන් අවට සිටින සියලු දෙනා හා සියලු දේ සමඟත් ඒ ඒ දරුවාට ආවේණිකව සම්බන්ධ වීමේදී මුහුණ දෙන ප්‍රධාන ගැටලුව වන එකිනෙකා හා සන්නිවේදනය අනු ගැටලු හතරකට කැටි කරන්නයි යන්නේ අද.. ඒ ගැටලු හතර මතකයේ තබාගෙන එක් එක් දරුවා පසු කරන සන්නිවේදන පියවර කතා කරීම තමයි අද ලිපියේ අරමුණ වෙන්නේ...

Monday, February 20, 2017

කියවීමෙන් මිනිසා සම්පූර්ණ වන්නේ කෙසේද....මෙසේ ද ?


කියවීමෙන් මිනිසා සම්පූර්ණ වන්නේ කෙසේද....මෙසේ ද ? එසේ නම් මෙසේ කියවන්න..




Thursday, February 2, 2017

සිහිල් පවන් රැල් ද.. එහෙමත් නැත්නම් ගිනියම් සුසුම් රැල් ද...

අපි මෙලොව එළිය දකින්නේ හැඟිම් දැනීම් දැනෙන එහෙත් දැනෙන හැම හැඟිමක්ම වෙනත් කෙනෙකුගෙන් යැපෙමින් තෘප්තිමත් කරගන්න ජීවියෙක් විදිහට (ද). අපි අපිට දැනෙන බඩගින්න කියන හැඟිම කෑගහලා අඬලා අවට ඉන්න අයට කියනවා.. නිදිමත කියන හැඟිමත් ඒ වගේ..එතකොට අපිට දැනෙන සතුදායක හැඟීම් අපි කියන්නේ හිනා වෙලා..එහෙට මෙහෙට අපේ පුංචි අත් පය හසුරවලත් අපි අපිට දැනෙන හැඟිම් අනිත් අයගෙන් තෘප්තිමත් කරගන්න කරන්නේ ලොකු උත්සහයක්..

Thursday, January 19, 2017

අපි කොහොමද සිත නිවා ගන්නේ...

සිත.. අපේ සිත තරන් කලබල තැනක්....සිත තරන් ගමන් යන කෙනෙක්.. සිත තරන් ඉක්මන් කෙනෙක්, කොහොමද අපි මේ සිත එක තැනක තියාගන්නේ, කොහොමද සිත එක තැනක තියාගන්න රහස් බෙහෙත වන "අත් හැරීම" පුරුදු කරන්නේ..
අඳුරෙන් ආලෝකයට යන්නට මඟපෙන්වන්න සිතැත්තන් සඳහා විවෘතයි අදහස් දැක්වීම්.