ආදරය, වේදනාව සහ ගුරු තරු (ගුරු හොරු නොව) සමඟ නව වසරට පියමනිමින්....

ගුරුවරියකගෙ දරුවෙකුට ඇති ආදරයට, තේරුම් ගැනීමට, ඉගැන්වීමේ හැකියාවට, දරුවන් සමඟ ඔවුන්ගේ ලෝකයට ඇතුල් වන්නට ඇති හැකියාවට, දඬුවම වෙනුවට සියුම් අණ කිරීම් වලට මමද බොහෝ සේ පෙම් බැන්ඳෙමි මගේ පාසැල් කාලය පුරාවටම..

අද මගේ පුතත් ඔහුට මේ අවුරුද්ද පුරාම ඉගැන්වු ගුරුවරියන් අතරින් එක් ගුරුවරියකට මහත් සේ පෙම් කරයි..ඇයගෙන් තොර පාසැලක් ඔහුට නැත..ඇයගෙන් තොර ඉගෙන ගැනීමක් ඔහුට නැත..ඇයගෙන් තොර ආදරයක් පාසැල තුල ඔහුට නැත..ඊලඟ වසරේ පැමිණෙන්නට නියමිත අලුත් ගුරුතුමිය ගැන කිසිම පැහැදීමක් නැත..

මම ද මේ තැනදීම අන්ත අසරණ ලෙස මනසින් කඩා වැටුනෙමි. මා ආදරය කල මට ආදරය කල ගුරුතුමියන්ගෙන් වෙන් වන දින..  මා ආදරය කල ගුරුවරියන්ගෙන් මිස වෙන කෙනෙකුගෙන් ඉගෙන ගැනිමට මම මහත් සේ අකමැති උනු සේම අද මගේ පුතත් ඔහු ආදරය කරන ගුරුතුමිය දමා ඊලඟ වසරේ අලුත් ගුරුතුමිය ලඟට යාමට නොහැකිව ලත වෙයි.. සිහින මවන්නේ ඇයවම දකින්න හැමදාම...

දරුවෙකුට ආදරයක් දැනෙන්න උගන්නන්න පුලුවන් ගුරුවරු ලෝකෙ කොහෙත් ඉන්නේ හරිම සීමිත ප්‍රමාණයයි.. ඒ වාසනාව මට මගේ පාසැල් කාලය තුල ලැබුනා සේම මගේ පූතාටත් ඒ වාසනාවත් සමඟම අතිනත් බැඳගත් ආදරයට සහ වේදනාවට මුහුණ දෙන්න වීම දැකීමම තවමත් ගුරු තරු ( ගුරු හොරු නොව ) ලොව සරණ බව මට පසක් කරවයි...

ප.ලි: ඔබ අනුන්ගේ දරුවන් බලා ගන්න, දෙවියන් ඔබේ දරුවන් බලා ගනිවී... කොහෙදි හරි කියෙව්ව දෙයක්..