අදීපට දීපයක්....

අදීපට දීපයක් දෙන්න ඉදිරිපත් වූ මිනිසත්කම හඳුනන මිනිසුන් නිසාම නුඳුරු දිනක පහන් ගොඩාක් දැල්වේවී අදීපගේ දිවියේ.. ඒ එළියෙන් අදීප ලොව දකිනු ඇතැයි මා සිතමි..

අදීපව දුටු දාම ඒ කටහඬ ඇහුනු පළමුදාම මා දුටු ඒ හීනය හීනයක්ම නොවී සැබෑවක් කරන මිනිසුනි, තවම මේ ලෝකේ මිනිසත්කම රැකීම නම් පුදුමයක් බව නොකියාම බැහැ වගේම අදීපගේ නම වෙනස් විය යුතුද නැතිනම් ඒ නම එහෙම්ම ඔහු ලඟ තිබිය යුතු දැයි තවමත් මට සිතා ගන්න බැහැ..

ප.ලි: මේ ලෝකේ සිදුවෙන හැමදේම විවේචනය කරමින් කාලය කන සම හරක් කවදා වටහා ගනීද කටින් බතල සිටුවා හෙට උදේට කන්න බතල හොයා ගන්න බැරි බව.. ඊට පස්සේ ඉතින් කාගේ හරි මහන්සිය හොරා කන්න නම් මේ සම හරක් ඉතා දක්ෂ බවත් නොකියාම බැහැ

අදීපට එළියක් ලබා දෙන්න ඔහුගේම අය අදිමදි කරනවාදෝ කියාත් මට සිතුනේ දෙඇස් නොපෙනෙන හදවතට කතා කරන කටහඬක් හිමි අදීප ඒ අයට ධන උලපතක් නිසාදෝ... එය එසේ නම්... එය එසේ නොවේවා කියා මා පතමි.