"බුදු හාමුදුරුවන් කියා ඇති දේවල් වෙනස් කරන්න අපිට බෑනේ.."

මිනිසුන්ව අභිබවා ගිය (සුපිරි) චරිත ආගම් වලින් මවා තියෙන්නේ ඇයි කියා සිතන විට මට සිතෙන්නේ, මිනිසුන් එකිනෙකා කෙරෙහි නොරිස්සුම් හැඟිම් වලින් වැඩ කරන නිසා කියලයි..

එසේ කල නොහැකි එක් සුවිශේෂි චරිතයක් මැවිම තුලින්  ඒ සමාජයේ ජීවත් වන මිනිසාටම, පොදු මිනිසාට කියන්න හැකි වී තියනවා මෙන්න මෙහෙම කරන්න, අරෙහෙම කරන්න  කියා තර්ක විතර්ක, වාද විවාද, ප්‍රශ්න කිරීම්  නොමැතිව.. මොකද තර්ක  කලා කියා, වාද කලා කියලා ඒ මැව්ව චරිත එන්නේ නැහැනේ ආපිට තර්ක කරන්න. එය මිනිස් මොළය හොඳින් ග්‍රහණය කරගෙන ඇති නිසයි ආගම් මිනිසුන්ගේ ජාන පද්ධතියට කිඳා බැහලා තියෙන්නේ කියා මට සිතේ.. 

තමන් තමන්ගේම විනිශ්‍යකරු  (එහෙමත් නැත්නම් හැඟිම් වලට වහල් ) වීමට ආගම් තුලින් සිතූ සේ ඉඩ ලැබෙන බැවින් එයින් මිදී ස්වාධීන වීමට ද මිනිසුන් කැමැති නැහැ....ආගම් වල ඇති දේ ගැන ස්වාධීනව ප්‍රශ්න කරන්නන් මඟ හැර යාමටද ආගම් වලට වහල් වූ අයට  සහ අවස්ථාවාදීන්ට ඇත්තේ පුදුම හැකියාවක් කියා මට සිතේ..

ප.ලි.: මුහුණු පොතේ  බුද්ධාගමේ කියවෙන බිරින්ඳෑවරුන් වර්ග ගැන ලියැවුනු පෝස්ට් එකක මම ප්‍රශ්න කලා, ගැහැනු පිරිමි යන දෙදෙනාගේම සමදායකත්වයෙන් හැදෙන පවුලක ඇයි බිරින්ඳෑවරු පමණක් වර්ග කරන්නේ.. ඇයි සැමියන් එසේ වර්ග කර නැත්තේ කියා.. 

දන්නවද මට ලැබුනු පිළිතුර... "බුදු හාමුදුරුවන් කියා ඇති දේවල් වෙනස් කරන්න අපිට බෑනේ.."